Айбек Қалиевке «профессор» ғылыми мәртебесі берілді

Белгілі әдебиеттанушы-ғалым, филология ғылымдарының кандидаты, доцент, танымалы айтыс ақыны Айбек Киікбайұлы Қалиевке Ы.Алтынсарин атындағы Арқалық мемлекеттік педагогикалық институтының Ғылыми кеңесі шешімімен Ыбырай Алтынсаринның 175 жылдығы қарсаңында академиялық "ПРОФЕССОР" ғылыми атағы берілді. Бұл туралы әлеуметтік желіде Елдос Тоқтарбай хабарлады.

Қалиев Айбек Киікбайұлы 1978 жылы, 19 ақпанда Торғай облысы, Жанкелдин ауданының Тәуіш ауылында дүниеге келген. 1994 жылы Қаратүбек орта мектебін, 1998 жылы Л.Н.Гумилев атындағы Еуразия Ұлттық университетін үздік бітірген. Алты алашқа ат оздырып, талай айтыстың жүлдесін алған Қалиев 2009 жылдан бері Ы.Алтынсарин атындағы Арқалық мемлекеттік педагогикалық институтының педагогика және филология факультетінің деканы болып қызмет атқарады.