• USD 378.65
  • EUR 430.07
  • RUB 6
  • CNY 55.1
19 Шілде, 18:33:58
Путин Зеленскийге барлық тұтқынды алмастыруды ұсынды

12 Шілде, 2019 NEWS

Бауыржан Байбек: Айтыскерлер неге билікті сынайды?

Оның пікірінше, қазір айтыстың деңгейі төмен. Ұпай жинауға тырысатындар көп. 

Айтыскерлер неге билікті сынайды? Себебі олармен дұрыс жұмыс жүргізілмеген. Өңірлерді аралап жүрген «Нұр Отан» партиясы төрағасының бірінші орынбасары Бауыржан Байбек осылай деді деп хабарлайды Qamshy.kz ақпарат агенттігі Еуразия бірінші арнасына сілтеме жасап. 

Оның пікірінше, қазір айтыстың деңгейі төмен. Ұпай жинауға тырысатындар көп. 

Бұрын өзі басқарған «Нұр Отанға» қайтып келген Бауыржан Байбек жұмысқа білек сыбана кірісті. Алдымен партияның хатшысы Тамара Дүйсенованы ауыстырды. Баспасөз қызметінде де кадрлық өзгеріс болды. 14 облыс пен 3 мегаполистің арасынан бірінші Батыс Қазақстан облысына барды. Өңірдегі партияның жұмысы нашарлап кеткен. Халықты толғандырған мәселе көп. Нұротандықтар оның бәріне немқұрайлы қарайды екен. 

"Фракцияның жұмысы көңілден шықпайды. Өзекті мәселелерді қарастырмайды. Қарапайым сұрақтардан бастау керек. Мәслихаттағы депутаттардың басым көбі Нұр Отан партиясының мүшелері. Олар бюджетті, бағдарламалардың орындалуын қадағалап отыруы қажет. Әкімдер дұрыс жұмыс істемесе оны да бір жағына шығаруға болады", -деді  "Nur Otan" партиясы төрағасының бірінші орынбасары Бауыржан Байбек. 

Жергілікті атқарушы биліктің жұмысын қадағалауды күшейтеміз дейді. Сондай-ақ, «Нұр Отан» ұлттық өнер, айтысты да қолға алмақ. Себебі, руханият саласы да уыстан шығып, ақындар бет-бетімен кеткен. 

"Ең бірінші қолға алған ісіңіздің бірі ұлттық өнер, оның ішінде айтысты қолдау болды. Бірақ сырт күштер осыныөзіне қолданып кетіп жатқанында көріп жүрміз. Алдағы айтыс туралы жоспарыңызды білгім келеді" - деп сұрақ қойды Мұхтар Ниязов. 

"Кезінде айтыскерлер үлкен сахнадан Нұр Отан туралы айтып, халыққа оны жақын көрсеткен болатын. Соңғы сайлауда өздеріңіз білесіздер, кейбір айтыскерлер билікке қарсы шықты. Неге, олармен нақты жұмыс жүргізілмеген. Қазіргі кезде кейбір айтыскерлердің деңгейі төмен. Жалпы әңгімені айтады, халыққа ұнау үшін. Ұпай жинау үшін", - деді Бауыржан Байбек. 

Бауыржан Байбектің сөзінше, енді «Нұр Отан» бұрынғыдай мүлгіп отырмайды. Әлеуметтік желіде белсенділікті арттырып, ел-жұрттың кез-келген мәселесіне реакция танытып, уақыт талабымен бірге өзгереміз дейді. 

Ілмек сөздер: Буыржан Байбек

Қате тапсаңыз, қажетті бөлікті таңдап ctrl+enter басыңыз.

Пікір қалдыру

3 пікір

Қазақтың жанашыры 13 Шілде, 2019

Б.Байбек мырза сөздерің , көзкарасың құлдық дәуірінің үстем тап өкілі сияқтысың . Сен ол тарихи формацияның келмеске кеткенін білмейтін сияқтысың , ақындарға подачка беріп биліктің сөзін сөйлетуге үйретіп қойған сияқтысың . Ақындар сенің қолыңның астындағы құлдарың емес тек сенің жырыңды ғана жырлайтын . Ақындар ең бірінші халықтың өкілі , олар халықтың арқасында ақын , халықтың сөзін сөйлеген ақын ол үлкен құрметке ие .Олар Нұротанды дәріптейміз деп ақын болған жоқ. Өзің айтпақшы кейбір ақындардың неге Нұротанды қолдамағанын білгің келсе интернеттегі Мексиканың бір қаласының мэри сияқты инвалиттік коляскамен кейпіңді өзгертіп халықтың арасына кіріп көр сол кезде халықтың Нұротанды неге қолдамай жатқанын , халықтың халының қандай екен,ін түсінетін шығарсың ; Байбек мырза жепқоррлық баптармен ұсталып жатқандардың 60-70 пайызы Нұротандықтар екенін Сіз білмеуші ма едіңіз. Енді өзіңіз басшы болып келдіңіз мүмкін жемқорлықтан таза партияға айналдыру қолыңыздан келіп қалар. Халық шенеуниктердің қандай должностқа қандай жолмен келгенін білмей отырған жоқ.Ақындардың , халықтың ерік жігерін Нұротанның күшімен ауыздықтап бір партия үшін жұмыс істетемін деу халықтың қамын ойлаған партиялық фунционердің әрекеті деу ешқандай шындыққа жанаспайды екен . Байбек мырза өзңіздің айқан создеріңіздің барлығын тағы бір електен өткізіп көріңіз .Өзін өмірге әкелген халыққа тым жоғарыдан қарап менсінбеушілік таныту онсызда халықтың сенімінен кетіп қалған партияны , билікті халықпен жақындастырудың жолы емес . Жастығыңыздан болу керек әле көп нарсені билеп-төстеумен шешкіңіз келетін сияқты . Таудың басынан түсіп халықтың арасына келіңіз. Егер Нұротан партиясы қазақтың төл өнері айтысты қолдап жатса ол . ақындар тек Нұротанды дәріптеп жұмыс істеу деген сөз емес . Ақын халықтың өкілі олар Нұоотанды қолдау үшін оның өзі халықпе бірге болуы тиіс емес пе Байбек мырза . Әзірге Нұратан ондай сенімге ие болды деп айтуға ерте сияқты .

Қазақ 13 Шілде, 2019

Бауыржан Байбек 20 ғасырда қалып қойған кісінің сөзін айтып отыр. Айтыскерлер неге билікті сынайды? Себебі олармен дұрыс жұмыс жүргізілмеген деп. Бұл не сөз, не жауап сонда, неге ақындар сынамау керек, неге нұротан ақындармен жұмыс істеуі керек, ол қандай жұмыс. Ақын халық пен биліктің арасындағы көпір емес пе, ақындар халыққа қызмет етуі керек, сонда олар нұротанның жырын жырлау керек пе, түсінбедім. Айтыстың деңгейі емес, биліктің деңгейі төмен емес пе, қалай ойлайсыздар. Байбектің сөзі мен ойынан шок болдым.

\роза 13 Шілде, 2019

Байбек інімғсіз дұрыс айтасызНұротан партиясы тек формалды түрде ғана,Оның құрамында тек биліктегілер және бюджет адамдары.Олар қандай сын айтады.Олар бәрі дұрыс деп бас шұлғуды біледіӨйткені орнымыздан айрылып қаламыз деп қорқады.Менің ойымша,ең бірінші партия құрамына өзгеріс енгізу керек.Екіншіден қазіргі кезеңде халықтың рухани санасы өте төмен.Тек алуды,жымқыруды,баюды арман етеді..Әкім де,депудатт та бидік адамдары,солардан аса алмадйы.Сізге өзіндік ойларын тіке айтатын,өз құқығын қорғай алатын,халық үшін еңбек ететін әр саланың адамдарын біріктіру керек.Және бұл партия тек биліктің партиясы болып қалмауы керек.Оның өз позициясы болғаны дұрыс.Алғақын халық адамы.өтірік емес,көп ақындар не болса соны мақтай бастайды.Ақындардың ең ұстанатын мақсаты халық үшін не істеу керек деген мәселені көтеру.халыққа,билікке сын айту,пікір тастау,ой салу.Бұ менің жеке ойым.