Фотоколлаж
Бердібек Сапарбаев Жамбыл облысының әкімі қызметінен босатылып, оның орнына Сапарбаевтың орынбасары болған Нұржан Нұржігітов тағайындалды.
Нұржан Молдиярұлы Нұржігітов 1967 жылы туған, білімі жоғары.
1991 жылы Еңбек Қызыл Ту орденді Ленинград ауылшаруашылық институтын «Инженер-механик», 2008 жылы Жамбыл гуманитарлық техникалық университетін «Экономика» мамандықтары бойынша бітірген. Техника ғылымдарының кандидаты, Қазақ ұлттық аграрлық университетінің құрметті профессоры.
Еңбек жолын 1991 жылы Жуалы ауданы М.Горький атындағы колхозында механик болып бастаған.
Әр жылдары Төле би атындағы агробірлестіктің бас инженері, Жуалы ауданы әкімі аппаратының маманы, бас маманы, бөлім меңгерушісі, Жуалы ауданы әкімдігінің кәсіпкерлік бөлімінің басшысы, Жамбыл облысы әкімі аппаратының бас инспекторы, бөлім меңгерушісі, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаменті басшысының орынбасары, басқарма басшысы, Жамбыл облысы әкімдігінің ауыл шаруашылығы басқармасының басшысы, Жамбыл облысы әкімдігінің табиғи ресурстар және табиғат пайдалануды реттеу басқармасының басшысы қызметтерін атқарған.
2019 жылдың тамызынан бастап 2021 жылға дейін Байзақ ауданының әкімі лауазымында қызмет атқарып келді.
2021 жылдан қазіргі уақытқа дейін Жамбыл облысы әкімінің орынбасары қызметін атқарған.
Ал 30 жылға жуық уақыт биліктің айналасында жүріп, 5 рет әкім, екі рет вице-премьер, екі рет министр болған 69 жастағы Бердібек Сапарбаев осымен зейнеттік демалысқа шығатынға ұқсайды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір