Непалда ұшақ апатқа ұшырап, 18 адам қаза тапты

Непалда Saurya Air ұшағы Катманду әуежайында апатқа ұшырады. Қайғылы жағдайдан ұшақ бортындағы 19 адамның 18-і қаза тапқан. Ал аман қалған ұшқыш қазір ауруханада жатыр. 

Сынақ үшін ұшқан Saurya Airlines ұшағы әуе компаниясының қызметкерлерін Покхаруға апара жатқан.

Ұшақ жергілікті уақыт бойынша 11:00 шамасында ұшу-қону жолағынан көтеріліп, көп ұзамай апатқа ұшырады.