26 Қараша, 2024 NEWS
Мереке Көшекбаев Қарулы Күштері Құрлық әскерлерінің бас қолбасшысы лауазымына тағайындалды
Бұл туралы Ақорданың баспасөз қызметі хабарлады.
Ашық дереккөзден
Бұған дейін бұл қызметті атқарған Асан Жүсіпов Мемлекет басшысының өкімімен Қазақстан Республикасының Қарулы Күштері Құрлық әскерлерінің бас қолбасшысы лауазымынан босатылды.
Қазақстан армиясында генерал-майор Мереке Көшекбаев әскери училищенің курсанттарынан «Оңтүстік» өңірлік қолбасшылығы әскерлерінің қолбасшысына дейін өтті.
Осы жылдар ішінде жауынгерлік дайындықта жауапты қызметтер атқарды. Бірнеше әскери бөлімдердің қолбасшысы, Қазақстан Республикасы Қарулы Күштері Құрлық әскерлері Аэро-шабуылдаушы әскерлерінің қолбасшысы болды.
1997 жылы Алматы жоғары құрама қару-жарақ командалық училищесін, 2007 жылы Ұлттық қорғаныс университетін, 2019 жылы Ресей Қарулы Күштері Бас штабының Әскери академиясын бітірген.
2-дәрежелі «Даңқ», «Айбын» ордендерімен, ведомстволық наградалармен және мерейтойлық медальдармен марапатталған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір