13 қарашада Грозныйға Сириядан арнайы рейспен 40-тан астам адам жеткізілді. Олардың 12-і әйелдер болса, 29-ы кішкентай балалар. Араларында Қазақстанның - 5, Өзбекстанның 2 азаматы бар. Қалғандары Шешенстан, Ингушетия, Дағыстан, Башқұртстан сынды Ресейдің автономиялық республикаларының азаматтары.
Сириядағы соғыс аймағынан Грозныйға жеткізілген Қазақстанның бес азаматы таяу уақытта отанына жеткізіледі. Бұл туралы Қазақстан сыртқы істер министрлігінің баспасөз хатшысы Әнуар Жайнақов мәлімдеген, деп хабарлайды Qamshy.kz ақпарат агенттігі.
