Қалың мал құнын төлетіп, қашып кеткен қызды жігіті іздеп жүр

Қырғызстанның Ош облысында тұрмысқа шығу туралы ойынан айнып қалған қыз 70 мың сом көлеміндегі қалың малды алып қашып кеткен. Бұл туралы Qamshy.kz  Stan.kz-ке сілтеме жасап хабарлайды.

“Жігіт қызға қалың мал ақшасын берген. Ал қыз болса ақша қолына тигеннен кейін күйеуге шығу туралы ойынан айнып қалыпты. Енді міне бір жыл бойы ақшаны қайтармай жүр. Жігіт оған 70 мың сом төлеген. Мұның барлығын ата-аналары кездесіп келіскен екен. Жастар жарты жыл бойы көңіл жарастырып жүрген. Қыздың жасы – 22-де, ал жігіт 26-да”, – дейді “Импера группу” заңгерлік компаниясының басшысы Эмиль Джапақбаев.

Жігіт оған не болғанын сұрамақшы болып бірнеше рет тырысқанымен, еш нәтиже шықпаған.

“Бастапқыда қыз ауырып, ауруханаға жатқан. Бірақ оның ата-анасы жігітке қыздың қай ауруханада екенін айтпаған. Содан үш бойы мүлде хабар ала алмапты. Қыздың ата-анасы да жігіттен бойларын ала қашқанымен, кейін өздері де қызын таппай отырғандықтарын мойындапты”, – деп атап өтті заңгер.

Оның сөзінше, зардап шегуші заңгерден кеңес алмақшы болған. Алайда ұяламын деп Ош прокуратурасына шағым білдіруден бас тартыпты. “Жігітке обал, оның отбасы да аса бақуатты емес. Қалыңмалдың ақшасын өзі еңбектеніп жинаған екен”, – дейді Джапақбаев.

Заңгердің айтуынша Қырғызстанда қалың мал заңмен бекітілмеген. Бірақ, мұндай жағдайға ұшырағандар көп ретте Қылмыстық кодекстің 166 “Алаяқтық” бабы бойынша арызданып жатады.