Оңтүстік Қазақстан облысы Бәйдібек ауданына облыстық ішкі саясат басқармасының бас маманы Мекенхан Қырықбаев, Оңтүстік Қазақстан облыстық мемлекеттік педагогика институтының аға оқытушысы, тарих ғылымдарының кандидаты, облыстық ақпараттық-насихаттық топ мүшесі, лектор Бахадүр Айтай барып, Тәуелсіздік алған 1991 жылдан бері 25 жылда елімізде қол жеткен жетістіктерді, оң көрсеткіштерді, оның ішінде облыстағы, аудандағы, елді мекендегі оң өзгерістерді әрбір тұрғынға жеткізу мақсатында аудан тұрғындарымен кездесті, деп хабарлайды аудан әкімдігінің баспасөз қызметі.
Тәуелсіздіктің 25 жылдығы мерекесі қарсаңында маңызды тарихи, жалпы мемлекеттік және идеялық мәнге ие екендігін ескере отырып, облыс тұрғындарына мерекелік шаралар ұйымдастыру арқылы жалпыұлттық бірліктің, татулық пен келісімді қамтамасыз етудің қазақстандық моделін, Мемлекет басшысының Қазақстан Тәуелсіздігінің қалыптасуындағы рөлін, жалпыәлемдік және өңірлік проблемаларды шешудегі бастамаларын насихаттау басты назарда болды.
Сонымен бірге агроөндірісті айтпай кетуге болмайды. Ауыл шаруашылығының тәуелсіздік жылдарында атқарылған шаралар мен "Агробизнес-2020", "Сыбаға" бағдарламаларының жүзеге асу барысының өңірдің экономикасына қаншалықты әсер етекені де сөз етілді. Оңтүстік өңір аграралы өңір екені де ұмытылмады. Семинарды қорытындылай келе, аудан әкімінің орынбасары Айкен Темір сөз алып,бірінші кезекте Тәуелсіздік жылдары атқарылатын жұмыстарды насихаттауға жан-жақты жұмылуымыз керектігін, елімізде Тәуелсіздік жылдарында жеткен жетістіктерді насихаттау, түсіндіру, жүзеге асыру жалпы қоғамға жүктелген міндет екенін айтып өтті.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір