Алматыда жолаушылар автобусы жол-көлік апатына ұшырады: 17 адам зардап шекті

Алматыда №63 жолаушылар автобусы мен  Gelandewagen автокөлігі соқтығысып жол-көлік апаты орын алды. Апаттан  17 адам зардап шекті.  Бұл туралы Қамшы ақпараттық агенттігі informburo.kz-ке сілтеме жасап хабарлайды.  №63 автобус пен аталған автокөлік Райымбек даңғылымен шығыс бағытта кетіп бара жатқан. Автокөлік жүргізушісі автобустың жолын кесіп кеткен. Соның салдарынан автобус жүргізушісі автокөлікке соқтығысып барып, бағанға соғылған. Зардап шеккендердің ішінде жас бала бар екені, оның қазіргі уақыттағы хәлі ауыр екені мәлім болды.

Шолушы: Назерке МҰСА