АҚШ Венесуэладағы оппозицияны қолдау үшін 42 млн доллар бөледі

Халықаралық даму агенттігінің Конгреске жолдаған қызметтік хаты The Los Angeles Times газетіне келіп түскен.

40 миллион доллар оппозиция лидері Хуан Гуайдоның командасына беріледі. Ақша оппозициялық штаб қызметкерлеріне айлық ретінде, іс сапарларына, демократиялық басқару және сайлау кампаниясын жүргізу технологиялары бойынша семинарлар ұйымдастыру үшін жұмсалады.

​Дональд Трамп және оның ұлттық қауіпсіздік бойынша көмекшісі Жон Болтон Каракастың ресми үкіметін “Николас Мадуроның бұрынғы режимі" деп атайды. АҚШ, Еуропаның көп өлкелері және Латын Америка Гуайдоны Венесуэланың заңды уақытша президенті ретінде таныған. Вашингтон венесуэлалық қашқындарды көрші елдерге жайғастыру бойынша ірі қаражат жұмсады. Венесуэланың АҚШ-тағы консулдықтарында Мадуро тарабынан тағайындаған дипломаттар Гуайдоны жақтағандармен алмастырылып жатыр.

42 миллион долларды Орталық Америкадағы үш өлкенің екеуі – Гватемала мен Гондурас алмақ. Бұл елдерде Құрама Штаттарға кетуді қалайтындар көп. Себебі, өлкеде зорлық-зомбылық кең етек алған.

Вашингтон өткен жылы Орталық Америкаға гуманитарлық жәрдем ретінде 370 миллион доллар бөлген. Дональд Трамп егер жергілікті билік миграция ағымын тоқтатпаса, жәрдем берілмейтінін ескерткен.