• USD 378.65
  • EUR 430.07
  • RUB 6
  • CNY 55.1
18 Қыркүйек, 11:00:08
Ауыл шаруашылығы министрлігінің назарына! «Жем шөптің бағасы күйіп тұр, "Қамшыңа" жазшы», – дейді әкем

17 Тамыз, 2019 Шығыс Қазақстан облысы

350-ден астам шығысқазақстандық экологиялық акцияға қатысты

"Аулардан таза су айдыны" акциясы күні бойы еліміздің барлық өңірінде өтті.

Шығыс Қазақстан облысында аталмыш акцияға 350-ден астам адам қатысты. Оның ішінде 50 волонтер бар. Акция аясында 50 өзен жағалауы мен су қоймасы қоқыстан тазартылады, – деп хабарлайды Qamshy.kz ақпарат агенттігі ШҚО ақпараттық орталығына сілтеме жасап.

– Тарбағатай ауданындағы 50 шақырымды құрайтын тереңдігі 15 метрге дейінгі жағалауды тазартуды жоспарлап отырмыз. Мұндай шараларды өткізу арқылы біз су қоймаларындағы санитарлық жағдайды жақсартамыз. Бұдан бөлек өзен жағалауларын қоқыстардан да тазартамыз. Шындығына келсек, өзендердің  астын тазалау жұмыстары сирек жүргізіледі. Ал бұл өз кезегінде демалушылардың денсаулығына зиянын тигізетіні айдан анық. Сол себептен осы акцияның  маңызы зор, – деді ШҚО орман шаруашылығы және жануарлар дүниесі аумақтық инспекциясы басшысының орынбасары Санақбек Кітапбаев.

Өңірдегі Зайсан өзені, Өскемен, Шүлбі су қоймалары, сондай-ақ Сасықкөл өзендеріне тазалық жұмыстары жүргізілді. Нәтижесінде судан 34,4 мың текше метр немесе 345 дана қоқыс шығарылды.

Аталмыш акция елдің барлық жерінде ұйымдастырылуда. Ал қорытындысы 19 тамызда жарияланады.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір