16 Мамыр, 2024 NEWS
Бұрынғы уақыт белдеуіне қайта оралуымыз мүмкін бе?
Қазақстанда бұрынғы уақыт белдеуі қайтарыла ма? Бұл сұраққа Сауда және интеграция вице-министрі Қайрат Төребаев жауап берді.
Көрнекі сурет
Сауда және интеграция министрінің міндетін атқарушы Қайрат Төребаев мәжіліс кулуарында бірыңғай уақыт белдеуін алып тастап, бұрынғы уақыт белдеуіне қайтып келуді сұраған петиция туралы айтты.
Оның айтуынша, 50 мыңнан астам дауыс жиналатын болса, үкімет петицияны қарастыруы мүмкін.
-Регламентке сәйкес біз ең алдымен, петицияның нәтижесін күтуіміз қажет. Одан кейін мұны жұмысқа аламыз. Бүгінде бұл туралы айту ерте. Қазір министрліктің осыған қатысты ұстанымын айтуға болмайды. Әзірге басқа мемлекеттік органдармен бірлесіп қабылданған ресми позицияны ұстанып отырмыз. Бұл мәселеге петиция аяқталған соң ораламыз, білуімше, ол заңды түрде осы жылдың желтоқсанына дейін аяқталуға тиіс", - дейді.
Еске салсақ, биыл 29 ақпанда Қазақстан бірыңғай UTC +5 уақыт белдеуіне ресми түрде ауысқан болатын. Еліміздің бірнеше өңірінде уақыт бір сағатқа артқа жылжыды. Атап айтқанда, Астана, Алматы, Шымкент қалаларында, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан, Абай, Жетісу, Ұлытау облыстарында жергілікті уақыт бір сағатқа артқа қойылды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір