28 Қараша, 2024 NEWS
Президент: Қазақстан төрағалық еткен кезеңде ҰҚШҰ-ның алдындағы міндеттердің бәрі орындалды
Мемлекет басшысы Қасым-Жомарт Тоқаев елордада Ұжымдық Қауіпсіздік туралы шарт ұйымы Ұжымдық қауіпсіздік кеңесінің кезекті сессиясын ашық деп жариялады.
Фото: ашық дереккөзден
«Тұтастай алғанда, Қазақстан ұйымға төрағалық еткен кезеңде ҰҚШҰ-ның алдында тұрған барлық міндеттер орындалды. Басым бағыттарды іске асыруда көрсеткен қолдауларыңыз үшін және бірлескен жемісті жұмыстарыңыз үшін үлкен ризашылығымызды білдіремін.
Құрметті әріптестер, қымбатты достар! Бүгін біз халықаралық аренадағы және өңірдегі ахуал туралы пікір алмасып, оның ҰҚШҰ-ға мүше мемлекеттердің қауіпсіздігіне әсерін бағалауымыз керек», — деді Қасым-Жомарт Тоқаев.
Сондай-ақ ол бүгінгі сессияда ұйымға Қазақстан төрағалық еткен кезеңде атқарылған жұмыстар қорытындыланатынын айтады.
«Біз ҰҚШҰ аясындағы ынтымақтастықтың кең ауқымды бағыттарында атқарылған жұмыс туралы мәліметті тыңдап, өткен кезеңдегі қызметті қорытындылаймыз. Төрағалық етушінің құқығын пайдалана отырып Ұжымдық қауіпсіздік туралы шарт ұйымы Ұжымдық Қауіпсіздік Кеңесінің кезекті сессиясын ашық деп жариялауға рұқсат етіңіздер», — дейді Президент.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір