Бәріне белгілі бірақ еңбектері көзге көрінбейтін қызмет иелерінің бірі – қоқыс жинаушылар. Таңның атысы мен күннің батысы қаланың тазалығы үшін тер төгетін қарапайым жұмыс өкілдерінің жүгі ауыр, маңызы зор маңдай терін көбісі бағалай бермейді. Олардың денсаулыққа әсерсіз өтпейтін ауыр еңбектері тиісінше өтеле ме екен? Жалпы, күнкөріс жағдайы қандай? Осы сұрақтарға жауап алу үшін Qamshy редакциясының журналистері тікелей қоқыс полигонына барды. Арнайы репортаж барысында қоқыс жинаушылардың жұмысымен жақынырақ танысып, кейіпкерлердің өздерімен тілдесуді жөн көрдік.

Полигонға бірден кіре алмағанымызды айтайық, жергілікті күзет келгенімізді ұната қойған жоқ. Түсірілім тобын екі күн сандалтты. Екінші күні қылмыскердей құрықтауға тырысып, түсірілім соңы жанжалға ұласты.