Алатау ауданында төрт базар модернизацияланады

Бұл туралы Алматы әкімдігінің баспасөз орталығында өткен брифингте аудан әкімі Шахмерден Рыспаев айтты, деп жазады қалалық әкімдіктің баспасөз қызметі.

Мысалы, «Арлан» базарын реконструкциялау 2020 жылдың II жартыжылдығына, «Қазына» базарын жөндеу 2021 жылдың I жартыжылдығына жоспарланған. Ал «Өжет» базарын жөндеуді аяқтау 2021 жылдың I жартыжылдығына белгіленген, бұларға жұмсалатын инвестиция көлемі – 14 млрд теңге. Сонымен қатар, «Үшқоңыр» базарын жөндеу басталады, жұмсалатын инвестиция көлемі – 800 млн теңге.

«Кенжехан-1, 2», «Жібек жолы», «Азия» базарларын реконструкциялау 2020 жылға жоспарланған.               

Бұлардан өзге, стационарлы емес сауда объектілерін анықтау үшін рейдтер жүргізілді, нәтижесінде заңсыз саудамен айналысқан 144 сауда объектілері алынып тасталды.