• USD 389.52
  • EUR 429.21
  • RUB 6.07
  • CNY 54.94
22 Қаңтар, 04:56:10
Қазақстан Украинаның сауда нарығына алаңдаулы

09 Желтоқсан, 2019 NEWS

"Пара алды" деп күдікке ілінген шымкенттік шенеунікке қатысты сот үкімі шықты

Шымкент қалалық білім басқармасы басшысы орынбасарының міндетін атқарушы Ж.Д.Базарова алаяқтық жасағаны үшін кінәлі деп танылып, сот оны мемлекеттік қызметте жұмыс істеу құқығынан өмір бойына  айырып, 3 миллион теңге айыппұл салды. Бұл туралы сыбайлас жемқорлыққа қарсы іс-қимыл агенттігінің баспасөз қызметі хабарлады. 

Агенттіктің хабарлауынша, Базароваға қатысты үкім 6 жетоқсанда шыққан. 

"Ол орта мектептің білім жөніндегі меңгерушісіне мектеп директорының лауазымына тағайындалу үшін тест тапсыруға жәрдем бергені үшін оның 400 мың теңге қаражатын алдау және сенімін теріс пайдалану арқылы иемденді деген күдікке ілінген. 6 желтоқсанда Шымкент қаласы Еңбекші аудандық сотының үкімімен Ж.Д. Базарова алаяқтық жасағаны үшін кінәлі деп танылып, мемлекеттік қызметте лауазым атқаруға өмір бойына құқығынан айыру мен 3 миллион теңге айыппұл салынды" - делінген ведомство таратқан хабарламда. 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір