Қытайда коронавирусты жұқтырғандардың саны 3000 адамға жуықтады

Аспан асты елінде коронавирусты жұқтырғандардың саны 2744-ке жетті.  Ал жұқпалы ауырудан көз жұмғандардың қатары 80 адам.

Бұл туралы «Qamshy.kz» ақпарат аганттігі «РИА Новости» дерегін негізге алып жазады.

Осы ретте, Қытайдың денсаулық сақтау мәселелері жөніндегі мемлекеттік комитеті бір тәуліктің ішінде жаңа коронавирустан қайтыс болған адамдардың артқанын мәлімдеді.

«Қазіргі кезде 461 адам ауыр халде жатыр. 51 адам ауруханадан шықты. Жалпы, ауруға шалдыққандардың саны шамамен 5794-ке жетті деген болжам бар. Статистикаға сәйкес, 8 оқиға – Гонконг, 7-уі – Макао, 4-уі Тайваньда болды» делінген комитеттің ресми мәлімдемесінде.

Дерттен көз жұмғандардың көбісі Хубэй провинциясының тұрғыны, соңғы мәлімете қарағанда, ол жерде 76 адам көз жұмды. Бұл өлкеде ауыру  жұқтырғандардың саны шамамен 1500 адамға жуықтаған.

Осылайша, алғашқы вирус нүктесі – Уханьда қалаға кіріп-шығу шектелді, қоғамдық көлік пен көптеген қалалық нысандардың жұмысы тоқтатылды. Басқа елдер әуежайларда қосымша тексерістер енгізіп жатыр.

Әзірге Карантин жарияланған қалалар арасында Чиби (534 мың адам), Эчжоу (1,08 миллион адам), Хуанган (7,5 миллион адам), Сяньтао (1,6 миллион адам), Чжицзян (550 мың адам), Цяньцзян (963 мың адам), Хуанши (2,7 миллион адам), Эньши (809 мың адам) мен Сяньнин (2,5 миллион адам) бар.