"138,5 млрд теңге аударым жасалды". Зейнетақы қорының жаңа ақпараты

Сайт мәліметінше, 2020 жылдың 1 қазанына дейін бірыңғай жинақтаушы зейнетақы қоры 297 253 алушыға төлем жасаған. Тұтастай алғанда жалпы сомасы 138,5 миллиард теңгеге 1,6 миллионнан астам зейнетақы төлемдері мен сақтандыру ұйымдарына аударым жасалды. Оның ішінде:

– зейнет жасына толу бойынша төлемдер – 46,1 млрд теңге;

– сақтандыру ұйымдарына аударымдар – 36,1 млрд теңге;

– тұрақты тұрғылықты жерге кетуге байланысты төлемдер – 27,6 млрд теңге;

– мұрагерлік бойынша төлемдер – 24,5 млрд теңге;

– жерлеуге берілетін төлемдер – 3,01 млрд теңге;

– мүгедектік бойынша төлемдер – 1,1 млрд теңге.

Бұл ретте кесте бойынша ай сайынғы орташа төлем сомасы (зейнет жасына толуға байланысты) 22 739 теңгені құрап, ай сайынғы ең жоғары төлем сомасы 506 980 теңге болды.