Qostanaı qalasynyń Dostyq úıinde ótken shara barysynda atalǵan nagradalar men altyn medal Levıtke tabystaldy,-  dep habarlaıdy Qamshy.kz  Stan.kz –ke silteme jasap.

Al Reseı Federasıasynyń armıa, avıasıa men flotqa járdemdesýdiń erikti qoǵamy Rıo Olımpıadasynyń kúmis júldegeri Vasılıı Levıtke «Eńbegi úshin» I dárejeli orden men KSRO-nyń úsh dúrkin batyry Aleksandr Pokryshkınniń medalin berip jiberdi.

Uıymdastyrýshylardyń aıtýynsha, medal arnaıy Vasılıı Levıt úshin quıyldy. Onyń Rıo-Olımpıadasynyń medaldarynan esh aıyrmashylyǵy joq. Bir artyqshylyǵy – 25 mıkron altyny bar. Al Olımpıada medaldaryn tek 6-aq mıkron altynmen ǵana jalatyp qoıady. «Biz úshin Vasılıı Levıt – Olımpıada chempıony!», – deıdi qostanaılyqtar. Kezdesýge Vasılıı Levıttiń alǵashqy bapkerleri de qatysty. Asylhan Býsýrmanov pen Marat Tapenov 10 jasar boksshyny tárbıelep, sport sheberi deńgeıine jetkizgennen Astana qalasyna jibergen. 12 jyl boıy Vasılıı «Sultan» atty sport klýbynda jattyǵyp, óz sheberligin shyńdady.
 

Aıta keteıik, Brazılıanyń Rıo-de-Janeıro qalasynda ótken Olımpıada oıyndary kezinde qazaqstandyq boksshy, Qostanaı oblysynyń Fedorovka aýlynyń týmasy Vasılıı Levıt fınalǵa deıin jetip, reseılik boksshy Evgenıı Tıshenkomen kezdesken bolatyn. Levıt soqqylardyń sany jaǵynan utyp tursa da, tóreshiler óz sheshimin Tıshenokonyń paıdasyna shyǵardy. Osydan keıin zalda otyrǵan kórermender ysqyryp, qazylar alqasynyń sheshimine narazylyq bildirdi. Marapattaý saltanatynda da Tıshenko minberge kóterilgende halyq gýildep, chempıondy moıyndamaıtyndaryn jetkizgen.