2015 jylǵy 29-31 qazan aralyǵynda Taraz qalasynda armrestlıngten Azıanyń ashyq kýbogy ótti. Qurlyq kýbogy úshin talasta Azıanyń 21 elinen 277 sportshy qatysty.Bul týraly «Qamshy» portaly Otarar-tv-ǵa silteme jasap habarlaıdy.
Qazaqstan ulttyq quramasy sapynda shardaralyq 10 sportshy elimizdiń namysyn qorǵady.
Shardara aýdany negizgi qurama sportshylarynyń qarasha aıynda Polshada ótetin Álem kýbogyna qatysýyna baılanysty bul jarysqa 2-qurammen qatysty. Qosalqy quramamyzdyń ózi Azıanyń epti sportshylaryn jeńip, nátıjesinde 6 altyn, 4 kúmis medalǵa qol jetkizdi.
Qol kúresten ońtústik quramasy shardaralyq sport ordasynda jattyǵady, foto sportshynyń jeke paraqshasynan alynǵan
Jarystyń kórkin Túrkıadan kelgen 130 keli salmaǵy bar dańqty Ferıt Osmanlı men 85 keli salmaqtaǵy qazaqstandyq Qydyrǵalı Ońǵarbaev arasyndaǵy jekpe-jek qyzdyrdy.
Zaldaǵy myńdaǵan jerlesteriniń qoldaýynyń jáne saıysqa degen tyńǵylyqty daıyndyǵynyń nátıjesinde Qydyrǵalı Ońǵarbaev túrik sportshysyn jeńip, eldiń rýhyn bir kóterip tastady.
Qol kúresten barlyǵy 37 káristi ońdyrmaı jeńgen Qydyrǵalı Azıa federasıasy taǵaıyndaǵan qomaqty qarjylaı syılyqqa ıe boldy.
