Qazaqstandyq kásipqoı boksshy Qanat Islam erteń Astana ýaqytymen tańǵy saǵat segizde jekpe-jekke shyǵady. Bul týraly boksshy óziniń Feısbýk paraqshasynda jarıalady.
Esterińizge salsaq, Qanattyń jekpe-jekke shyǵatyn qarsylasy osydan eki kún buryn aýysqan bolatyn. AQSH-tyń Florıda shtatyndaǵy Maıamı qalasynda meksıkalyq Aleksıs Kamachomen judyryqtasady degen Qanat erteń Domınıkan Respýblıkasynyń boksshysy, 31 jastaǵy Djonatan Batıstamen rıngke shyǵady. Ol osy ýaqytqa deıin 22 kezdesýdiń 15-in (onyń ishinde 8 beldesýdi merziminen buryn) jeńispen aıaqtaǵan. Jeti jeńilistiń tek ekeýinde ǵana nokaýt alǵan.
Alaıda, domınıkandyqtyń belden tómen urý ádeti úshin eki ret bokstan shettetilgenin esterińizge salamyz. Sońǵy ret óz otandasy Oskar Rodrıgezben kezdesip, jeńgen.
Qanatpen judyryqtasýy tıis bolǵan meksıkalyq Aleksıs Kamacho da sol kúni amerıkalyq Erıkson Lýbınmen judyryqtasady.
Qanat Islam kásipqoı bokstaǵy jetekshi kompanıalardyń birimen kelisim-shart jasaý ústinde jáne WBA Federalatin reıtıńisinde óz kategorıasy boıynsha kósh bastap turǵanyn esterińizge salamyz.
