AQSH-tyń Húston qalasynda ótip jatqan Aýyr atletıkadan Álem chempıonatynda 94 kelige deıingi salmaqta Jasulan Qydyrbaev julqa kóterý jattyǵýynda úzdik úshtiktiń qatarynan tabyldy, - dep habarlaıdy «Qamshy» portaly QazAqparatqa silteme jasap.

Alǵashqy múmkinshiliginde 178 kelini erkin baǵyndyrǵan Jasulan odan keıingi múmkinshilikterinde 183 kelige tapsyrys bergenimen, bul salmaqty baǵyndyra almady. Taǵy bir sportshymyz Almas Óteshev te birinshi múmkinshiliginde 172 kelini erkin kótergen bolatyn. Ekinshi joly 180 kelige tapsyrys berip, ony kótergenimen tóreshiler esepke almaı qoıdy. Al sportshymyz úshinshi múmkinshiligin sátti paıdalana almady. 
Osylaısha, Jasulan úzdik úshtikke kirse, Almas 10-shy orynda tur. Alda - serpe kóterý jattyǵýy. Julqa kóterýde 181 kelini baǵyndyrǵan reseılik Alekseı Kosov kósh bastady. 

Aıta keteıik, 2014 jyldyń qarasha aıynda Almatyda ótken Álem chempıonatynda Jasulan Qydyrbaev 408 (179+229) kelini baǵyndyryp chempıon atanǵan edi.