Ауыл шаруашылығын дамыту Қазақстан үшін өте маңызды. «Алтын, күміс тас екен, арпа,бидай ас екен» демекші, азық тұтынатын адам қашанда ауыл шаруашылығы өнімдеріне мұқтаждық танытып жатады. Алтын, күміссіз шыдауға болады, ал, тамақсыз ұзақ шыдау мүмкін емес. Осы мақсатта Қазақстанда ауыл шаруашылығын дамытуға арналған «Агробизнес 2020» бағдарламасы аясында Оңтүстік өңірі орасан зор жетістікке жетті.
Сәрсенбінің сәтті күнінде өңір басшысы Б.Атамқұлов облыстық депуттармен есепті кездесу өткізді. Онда облыс әкімі өңірде І жартыжылдықтың қорытындысымен ауыл шаруашылығының өнім көлемі 123 млрд. теңгені құрап, 2 пайызға артқанын айтты. Ал егіс көлемі өткен жылдан 13 мың гектарға артып, 788 мың гектарды құраған. Бұл өткен жылға қарағанда әлдеқайда көп. Осыдан өңірімізде жылдан-жылға ауыл шаруашылығы аса көп мән беріп келе жатқанын көруге болады.
Есепті кездесуде мәлім болғандай аграрлы аймақтың шаруалары осы жылы дәндік жүгеріден 108,4 мың тонна, көкөністен 811 мың тонна, бақшадан 1 252 мың тонна, картоптан 195 мың тонна, масақты дақылдардан 470 мың тонна өнім жинаған. Сондай-ақ, облыста алғаш рет бидайдың орташа өнімділігі 22 центнерді құрап, рекордтық өнім алынып отыр.
Жиында аймақ басшысы тамшылатып суғару әдісі қосымша алты мыңға жуық гектарға ендіріліп, жалпы көлемі 49,7 мың гектарға, ал жылыжайлар қосымша 72 гектарға салынып, жалпы 1 098 гектарға жеткенін айтты. Айта кетейік, жалпы еліміз бойынша жылыжайлардың 87% Оңтүстік үлесінде. Осы жылыжайлардан 80 мың тонна көкөніс өнімдері жиналды.
Оставить комментарий