«Оян, Франция» қозғалысының көшбасшысы, Франция президенттігіне үміткер Николя Дюпон-Эньян терроризммен күресті күшейтуге ниетті екенін жеткізді деп хабарлайды Қамшы ақпараттық агентігі ТАСС-қа сілтеме жасап.
«Менің сайлау алды бағдарламамда Францияда ұсталған лаңкестерді Парижден 12 мың шақырым қашықтықта орналасқан Антарктиданың жанындағы Кергелен архипелагына жіберу ұсынысы бар. Жеңіске жеткен жағдайда уәдемде тұрамын» деді Дюпон-Эньян.
Францияда өлім жазасына тыйым салынған. Дюпон-Эньян оны қайта күшіне енгізбейтінін жеткізді.
«Францияның президенті болсам, «Батаклан» концерт залында болған жаппай адам өлімі секілді қылмысқа жол бермеймін» деді ол.
Оставить комментарий