Италия президенті Серджо Маттарелла ел парламентін мерзімінің аяқталуына байланысты таратып жіберді деп хабарлайды 24.kz. Бірақ негізі қос палатаның жұмыс істеу мерзімі ресми түрде келесі жылдың наурыз айына дейін жалғасуы керек болатын. Шешім мемлекет бюджеті туралы заңды бекітуге байланысты қабылданып отыр. Осыған қатысты ел президенті конституцияға сәйкес үкімет басшысы Паоло Джентилонимен және палата спикерлерімен кездесіп, олардың қолдауына ие болды.
Ал жаңа парламентті сайлау келесі жылы наурыздың 4-інде өтуі мүмкін. Ол уақытқа дейін қазіргі үкімет басшысы Паоло Джентилони өз міндетін атқара беретін болады. Сарапшылар болса парламенттің таратылуы экономикалық тұрғыдан әлсіз дамып келе жатқан Италияда саяси тұрақсыздықты сақтап, 2013 жылғы партиялардың үкіметті құрылымдай алмау оқиғасы қайталана ма деп отыр.
