Алматы қаласы полиция бөлімінің қызметкерлері Төле би және Панфилов көшелерінің қиылысында өзін нашар сезінген әйелге алғашқы көмегін көрсетті, деп хабарлайды Qamshy.kz ақпарат агенттігі Tengrinews.kz сілтеме жасап. Бірқатар ақпарат көздері бұл видеоны көріп, әйелдің полиция өкілдерімен айқасынан кейін өзін нашар сезінгені туралы жазған. Ал ақиқатында, ол саябақта қыдырып жүрген.

–Әскерилер құлаған әйелге  күртеше төсеп, оның бетіне су шашып, жедел жәрдем бригадасының келуіне дейін денсаулығын бақылаған. Ал кей адамдар жүрек дәрісін беріп, көмектескен. Жедел-жәрдем келгеннен соң, әйел өзін жақсы сезінетінін айтып, медициналық қызметтен бас тартты, - деп хабарлады Алматы қаласының ПД баспасөз қызметі.