Қазақстан Республикасы Қаржы министрінің міндетін атқарушының 2025 жылғы 15 мамырдағы бұйрығына сәйкес, Бірыңғай бюджеттік сыныптамаға өзгерістер енгізілді.
Жаңа ережелерге сәйкес, 2024 жылғы 1 қаңтарға дейін республикалық бюджеттен берілген бюджеттік кредиттерді өтеу үшін Ұлттық қордан бөлінетін нысаналы трансферттер пайдаланылатын болады. Бұл өзгеріс екі бағытты қамтиды:
-
Облыстардың, республикалық маңызы бар қалалардың және астананың жергілікті атқарушы органдарына берілген кредиттерді өтеу;
-
Мамандандырылған ұйымдарға берілген кредиттерді өтеу.
Сонымен қатар, құжатта басқа да өзгерістер қарастырылған.
Аталған бұйрық 2025 жылғы 1 маусымнан бастап күшіне енеді.
