Алматы қаласындағы №224 мектеп таза қазақ тілінде білім беретін мекеме ретінде ашылды. Бұл ақпаратты қоғам белсенділері әлеуметтік желіге жариялап жатыр.
Әкімдік қызметкерлері орыс тілді ата-аналарға кадр тапшылығына байланысты әзірге орыс сыныптары ашылмайды деп жауап берген.
Алайда egov порталында №224 мектеп аралас мектеп ретінде көрсетілген. Әкімдік мектепке байланысты ресми ақпарат жарияламады.
Бұған дейін Алматы тұрғындары №224 мектептің толық қазақ тілінде болуын талап етіп үндеу жасаған. Оқиға қоғам арасында резонанс тудырған еді.
