Қазіргі әлемде, жаһандану дәуірінде жастар ақпараттың көп бөлігін әлеуметтік желілер мен интернет арқылы алады. Өкінішке орай, кейбір теріс ниетті топтар жастарды радикалды идеяларға тартуға тырысады. Олар дінді бұрмалап түсіндіреді және қоғамда алауыздық тудыруға тырысады. Мұндай қауіптердің алдын алу үшін жастардың діни сауаттылығын арттыру, дәстүрлі рухани құндылықтарды насихаттау және сыни ойлауды дамыту өте маңызды.
Осыған байланысты біздің жастар толеранттылық пен конфессияаралық келісім қазіргі бейбіт қоғамның басты құндылықтарының бірі екенін түсінуі керек. Әлемде әртүрлі ұлттар мен діндердің өкілдері тұрады. Олардың өзара құрметі, түсіністігі мен келісімі мемлекеттің тұрақтылығы мен қоғамның дамуына тікелей әсер етеді. Сондықтан толеранттылық мәдениетін қалыптастыру және конфессияаралық келісімді нығайту әрбір азаматтың маңызды міндеті болып саналады.
Толеранттылық – бұл басқалардың пікіріне, мәдениетіне, тіліне және діни сенімдеріне құрметпен қарау. Бұл сіздің дініңізден немесе принциптеріңізден бас тартуды білдірмейді, керісінше басқалардың сенімі мен пікіріне құрмет көрсетуді білдіреді. Толерантты қоғамда адамдар бір-бірін төмендетпейді және ортақ құндылықтарды жоғары бағалайды. Мұндай қоғамда тұрақтылық, өзара сенім және азаматтық бірлік нығаяды.
Қазақстан – көптеген этностар мен түрлі діни бірлестіктердің өкілдері келісімде өмір сүретін мемлекет. Біздің елде заң ислам, православие, католицизм, протестанттық ағымдар, иудаизм, буддизм және басқа да конфессиялардың қызметіне жағдай жасады. Мемлекет әрбір азаматқа ар-ождан мен діни сенім бостандығына кепілдік береді. Сонымен қатар, діни келіспеушіліктің алдын алу және қоғамдық келісімді сақтау мемлекеттік саясаттың маңызды бағыттары болып табылады.
Конфессияаралық келісім – бұл өзара құрмет пен түсіністікке негізделген әртүрлі діни бірлестіктердің өмірі. Мұндай келісім қоғамда діни негізде жанжалдардың туындауына жол бермейді. Әрбір дін адамды жақсылық, мейірімділік, әділдік пен адамгершілікке шақырады. Сондықтан әртүрлі конфессиялар өкілдерінің ортақ мақсаттар бойынша бірлескен жұмысы қоғамның дамуына оң әсер етеді.Қазақстанда конфессияаралық келісімді нығайту бойынша үлкен жұмыс жүргізілуде. Түрлі деңгейдегі кездесулер, дөңгелек үстелдер, ғылыми конференциялар мен ағартушылық іс-шаралар ұйымдастырылады. Бұл шаралар әртүрлі діни бірлестіктер арасындағы өзара сенімділікті арттырады және қоғамдағы келісімді сақтауға ықпал етеді. Сондай-ақ, білім беру мекемелерінде толеранттылықты, патриотизмді және адамгершілік құндылықтарды насихаттауға ерекше көңіл бөлінеді.
Толеранттық пен конфессияаралық келісім әр азаматтың күнделікті өмірінен басталады. Адам басқа адамдардың пікірі мен сеніміне құрметпен қарап, араздықты емес, келісім мен бірлікті насихаттауы керек. Өзара сыйластық, жауапкершілік және заңды құрметтеу қоғамдағы тұрақтылықтың берік негізі болып табылады.Қорытындылай келе, толеранттылық пен конфессияаралық келісім — Қазақстанның басты жетістіктерінің бірі. Оларды сақтау және нығайту — мемлекет пен қоғамның ғана емес, әрбір азаматтың ортақ міндеті. Бірлік пен келісім үстемдік ететін елде ғана тұрақты даму, бейбіт өмір және жарқын болашақ мүмкін. Сондықтан толеранттылық мәдениетін қалыптастыру және конфессияаралық келісімді нығайту-біздің ортақ мақсатымыз.
