انگليانىڭ جوعارى كلاستى ۇيالى تەلەفوندار وندىرەتىن Vertu كومپانياسى قازاقستانعا ارنايى سمارتفوندار شىعاردى، دەپ حابارلايدى Qamshy.kz ۆaq.kz. سايتىنا سىلتەمە جاساپ.

بەس دانادان تۇراتىن ليميتتەلگەن توپتاما قازاقستان تاۋەلسىزدىگىنىڭ 25 جىلدىعى قۇرمەتىنە ارنايى جاسالىپتى.

جاڭا تەلەفوننىڭ ارتقى پانەلىنە قازاقستاننىڭ مەملەكەتتىك سيمۆولدارى – كۇن مەن ونىڭ استىندا قالىقتاعان قىران ويىپ سالىنعان. كۇننىڭ ورتاسىندا «25» سانى بەينەلەنىپتى، ال ونىڭ استىندا «Anniversary of Kazakhstan» دەگەن جازۋ بار. ءتىپتى تىگىستەرىنە دە ەلىمىزدىڭ تۋىنداعى كوك جانە سارى تۇستەر قولدانىلعان ەكەن.

First Media Group كومپانياسىنىڭ مالىمەتىنشە، تەلەفون جوعالعان جاعدايدا بۇعاتتاۋعا، ونى تابۋعا، جەكە مالىمەتتەردى وشىرۋگە بولادى.

سمارتفون قانشا تۇراتىنى ازىرگە بەلگىسىز. مىسال ءۇشىن ايتساق، سمارتفوندار نارىعىنا ەنىپ ۇلگەرگەن Apple iPhone 7 Plus ەلىمىزدە 650 000 تەڭگە تۇرادى. ەكسكليۋزيۆتى Vertu ودان بىرنەشە ەسە قىمبات بولاتىنى ءسوزسىز.