"الەم ءقازىر تۇبەگەيلى وزگەرىستەر زامىنىندا. سيفرلاندىرۋ - ۇلتتىق ەكونوميكانىڭ قوزعاۋشى كۇشى. الەمدىك ۇيىمدار وسى سيفرلاندىرۋعا ءمان بەرىپ وتىر. ەاەو دا 2025 جىلعا دەيىن سيفرلاندىرۋعا ءمان بەرىپ وتىر."، - دەگەن بولاتىن پرەزيدەن نازاربايەۆ. 

«سيفرلى قازاقستان» باعدارلاماسى مىندەتتەرىنىڭ ءبىرى – سيفرلى يندۋستريا قۇرۋ، ياعني ۇزاق مەرزىمدى تۇراقتىلىقتى قامتاماسىز ەتۋ. قازاقستاندىق IT يندۋستريا ەاەو كەڭىستىگىنە قانات جايا باستادى. 21-22 ماۋسىم ارالىعىندا قازاقستاندىق دەلەگاسيانىڭ بىشكەك قالاسىندا جۇمىس ساپارى ءوتتى. كەزدەسۋدە «سيفرلىق قازاقستان» مەملەكەتتىك باعدارلاماسى جانە قىرعىز رەسپۋبليكاسىنىڭ «تازاكووم» ۇلتتىق سيفرلىق ترانسفورماسيالاۋ باعدارلاماسى اياسىندا ىنتىماقتاستىق ماسەلەلەرى تالقىلاندى.

سيفرلى تەحنولوگيا – ەكونوميكالىق سەرپىلىستىڭ ءتيىمدى تەتىگى ەكەنى انىق. قازاقستاننىڭ 29 كومپانياسى قىرعىز وكىلدەرىنە 80-نەن استام اقپاراتتىق-تەحنولوگيالىق شەشىمدەرى مەن ونىمدەرىن ۇسىندى. قازاقستاندىق كومپانيالاردىڭ دەنساۋلىق ساقتاۋ، ءبىلىم بەرۋ، اقپاراتتىق تەحنولوگيالار، تەلەكوممۋنيكاسيالار، Smart City، كولىك، قاۋىپسىزدىك، ەكونوميكا جانە قارجى سالاسىنداعى مۇمكىندىكتەرى قىرعىزستانداعى مەملەكەتتىك ورگاندار مەن ءىرى كومپانيالاردىڭ قىزىعۋشىلىعىن تۋدىردى.

 قازاقستاندىق IT-كومپانيالار مەن «قىرعىزتەلەكوم» ااق، «قىرعىز پوچتا» مك ارالارىندا ەكى مەموراندۋمعا قول قويىلدى.

سونداي-اق كەزدەسۋ بارىسىندا ق ر اقپارات جانە كوممۋنيكاسيالار ۆيسە-مينيسترى دينارا شەگلوۆا Astana Hub حالىقارالىق تەحنوپاركىنىڭ تانىستىرىلىمىن وتكىزدى.

قورىتىندى كەڭەسكە قازاقستان رەسپۋبليكاسى پرەمەر-مينيسترىنىڭ ورىنباسارى اسقار جۇماعالييەۆ جانە قىرعىز رەسپۋبليكاسىنىڭ پرەمەر-مينيسترىنىڭ ورىنباسارى زاميربەك اسقاروۆ قاتىستى.

اسقار جۇماعالييەۆ «سيفرلىق قازاقستان» مەملەكەتتىك باعدارلاماسى جايلى قىرعىز تاراپتارىنا ايتىپ بەردى جانە 2018 جىلدىڭ 3 شىلدەسىنە جوسپارلانعان استانا Hub پاۆيلونىنىڭ تەحنيكالىق اشىلۋىنا شاقىردى.

ءوز كەزەگىندە، زاميربەك اسكاروۆ قازاقستانمەن ىنتىماقتاستىقتىڭ ستراتەگيالىق ماڭىزدىلىعىن جانە اقپاراتتىق تەحنولوگيالار سالاسىنداعى ۇلكەن الەۋەتتى اتاپ ءوتتى. اقپاراتتىق تەحنولوگيالار جانە بايلانىس جونىندەگى قىرعىزستان رەسپۋبليكاسى مەملەكەتتىك كوميتەتىنىڭ ءتوراعاسى باقىت شارشىمبييەۆ قازاقستاندىق دەلەگاسيانىڭ جاساعان ساپارىنا العىسىن ءبىلدىردى جانە قازاقستاندىق كومپانيالاردىڭ ۇسىنعان شەشىمدەرى قىرعىز ەلىندە سۇرانىسقا يە ەكەنىن اتاپ ءوتتى.

ساپار بارىسىندا قازاقستان رەسپۋبليكاسى اقپارات جانە بايلانىس مينيسترلىگى مەن قىرعىز رەسپۋبليكاسى اقپاراتتىق تەحنولوگيالارىنىڭ مەملەكەتتىك كوميتەتى اراسىندا تاجىريبە الماسۋ ماقساتىندا ءىس-شارالار وتكىزىلدى. تاراپتار ەكى ەلدىڭ ۇلكەن دەرەكتەر، بۇلتتىق تەحنولوگيالار، ەلەكتروندىق قۇجات اينالىمى سالاسىنداعى تاجىريبەسىن تالقىلادى جانە مەموراندۋمدار مەن كەلىسىمدەردى ازىرلەۋ تۋرالى ۋاعدالاستى.

ساپار سوڭىندا اسقار جۇماعالييەۆ IT-كومپانيالاردىڭ وكىلدەرىمەن بىرگە كەزدەسۋلەردىڭ قورىتىندىسىن تالقىلادى. كومپانيا وكىلدەرى ءىس-شارانىڭ تيىمدىلىگىن اتاپ ءوتتى جانە وسىنداي ساپارمەن باسقا ەلدەرگە بارىپ، ءوز مۇمكىندىكتەرىن ۇسىنۋعا دايىن ەكەندىگىن ايتتى.

قازاقستان تمد ىشىندە العاشقى بولىپ، ەلەكتروندىق سيفرلىق قولتاڭبانى قولدانۋدى، ەلەكتروندىق ۇكىمەت ءبىرىڭعاي پورتالىندا ەلەكتروندىق مەملەكەتتىك قىزمەتتەردى ەنگىزۋدى باستاعان. «سيفرلىق قازاقستان» ەكونوميكاسىن جەدەل تەحنولوگيالىق جاڭعىرتۋدى قامتاماسىز ەتۋ باعىتىندا  سيفرلىق ترانسفورماسيالاۋ بويىنشا كەشەندى باعدارلاما قابىلداندى. باعدارلامادا 2 نەگىزگى ماقسات ايقىندالعان. ءبىرىنشى، ەكونوميكا سالالارىن سيفرلاندىرۋ، سيفرلىق مەملەكەتكە ءوتۋ جانە «سيفرلىق جىبەك جولىن» دامىتۋ ارقىلى ەكونوميكانى دامىتۋ جانە حالىقتىڭ تۇرمىس ساپاسىن جاقسارتۋ قارقىنىن ايتارلىقتاي ۇدەتۋ. ەكىنشى، ادام كاپيتالىن دامىتۋ جانە ۇزاق مەرزىمدى پەرسپەكتيۆادا يننوۆاسيالىق ەكوجۇيەنى قۇرۋ ارقىلى قازاقستان ەكونوميكاسىنىڭ جاڭا دامۋ تراەكتورياسىنا ءوتۋ مىندەتى تۇر.