مەملەكەتتىك قىزمەتكەرلەر كۇنىنە وراي ماقتارال اۋدانىندا مەملەكەتتىك قىزمەتكەرلەر اراسىندا فۋتبولدان جارىس ءوتتى. اۋدان اكىمدىگىنىڭ دەربەس بولىمدەرى مەن قالا، كەنت، اۋىلدىق وكۋرگ اكىمدىكتەرىنەن جينالعان 16 كوماندا جاسىل الاڭدا ب ا ق سىناستى.

سپورتتىق ءىس-شارانىڭ اشىلۋ سالتاناتىنا قاتىسىپ، مەملەكەتتىك قىزمەتكەرلەردى كاسىبي مەرەكەلەرىمەن قۇتتىقتاعان اۋدان باسشىسى ج.بەيسەنبايەۆ: "قادىرمەندى ارىپتەستەر! ەلباسى ن.ءا. نازاربايەۆ "ۇلت جوسپارى – 100 ناقتى قادام" ستراتەگيالىق قۇجاتىندا دا ەلىمىزدە كاسىبي مەملەكەتتىك اپپارات قۇرۋ قاجەتتىگىن اتاپ وتكەن بولاتىن. ويتكەنى، ەلىمىزدىڭ وركەندەۋى مەن دامۋى، مەملەكەتتىك قىزمەتشىلەردىڭ وتانسۇيگىشتىگىنە، پاتريوتتىق سەزىمىنە جانە ءبىلىمى مەن بىلىكتىلىگىنە تىكەلەي بايلانىستى. مەملەكەتتىك قىمەتتىڭ مارتەبەسى مەن بيىك بەدەلىن مەملەكەتتىك قىزمەتكەرلەر كوتەرۋى ءتيىس. مىنە، بۇگىن سىزدەردىڭ سپورتقا دەگەن قىزىعۋشىلىقتارىڭىزدى ارتتىرىپ، وتانعا دەگەن پاتريوتتىق سەزىمدەرىڭىزدى نىعايتۋ ءۇشىن فۋتبولدان جارىس وتكىزۋدەمىز. ەندەشە، قىزىقتى ءارى تارتىستى ويىن وتكىزۋلەرىڭىزگە سەنىم ارتا وتىرىپ، بارلىق كوماندالارعا ساتتىلىك تىلەيمىن!" - دەدى.

16 كوماندا 4 توپقا ءبولىنىپ، ءار توپتان ۇزدىك شىققان 2 كوماندا شيرەك فينالعا جولداما الىپ وتىردى. وسىلشاي شيرەك فينالدان ۇزدىك شىققان 4 كوماندا جارتىلاي فينالدا تارتىستى ويىن كورسەتىپ، فينالدا مەملەكەتتىك قىزمەتكەرلەردەن قۇرالعان كوماندالاردىڭ اراسىندا ەڭ ۇزدىگى انىقتالدى.

ويىننىڭ ناتيجەسى بويىنشا ءى ورىندى جەڭىپ العان جەتىساي قالاسى اكىمدىگى مەن اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ قىزمەتكەرلەرىنەن قۇرالعان كوماندا اۋدان اكىمىنىڭ جۇلدەسىنە يە بولىپ، باعالى سىيلىقتارمەن ماراپاتتالدى. سونداي-اق، اۋداندىق ىشكى ساياسات ءبولىمىنىڭ كومانداسى ءىى ورىندى، اسىقاتا كەنتى اكىمدىگى مەن ىنتىماق اۋىلدىق وكرۋگى اكىمدىگىنەن قۇرالعان كوماندا ءىىى ورىندى جەڭىپ الدى.