19 قىركۇيەك كۇنى اۋدان ورتالىعى شەتپە سەلوسىندا قازاق حاندىعىنىڭ 550 جىلدىعىنا وراي بۇقارالىق سپورتتى دامىتۋ جانە ۇلتتىق سپورتتىق ونەردى جاس ۇرپاققا دارىپتەۋ ماقساتىندا وبلىستىق ات سپورتى فەدەراسياسى اۋدان اكىمدىگىمەن بىرلەسىپ ۇيىمداستىرعان ات  سپورتى تۇرلەرىنەن ەرەسەكتەر اراسىندا وبلىستىق  چەمپيونات وتكىزىلدى.

چەمپيونات اۋدارىسپاق ويىنىمەن باستالىپ، 60 كگ سالماقتا قاراقيا اۋدانىنان دۇيسەنبايەۆ رۋسلان، 70 كگ سالماقتا ماڭعىستاۋ اۋدانى تۇيەبايەۆ بەردىعالي، 80 كگ سالماقتا مۇنايلى اۋدانى ەرماعانبەتوۆ ەربول، ماڭعىستاۋ اۋدانىنان 90 كگ سالماقتا سەرىكبايەۆ ەلدوس، 90 كگ- نان جوعارى سالماقتا ولجابايەۆ اسحات  سىندى سپورتشىلار جەڭىمپاز اتاندى.

الامان بايگە بويىنشا ءتۇپقاراعان اۋدانى ايداروۆ جولبولدىنىڭ  سۇلۋشاشى اتتى سايگۇلىگى 1 ورىندى، قاراقيا اۋدانى باعدابايەۆ ءامانعاليدىڭ  جەزكيىك  اتتى سايگۇلىگى 2 ورىندى، قۇنان جارىستا ءتۇپقاراعان اۋدانى ايداروۆ جولبولدى 1 ورىن، ماڭعىستاۋ اۋدانىنان بولتەكوۆ الكە 2 ورىن، بەكتۇرسىن ۇلى سەرىكجان  3 ورىندى يەلەندى. 

ۇلتتىق سپورت ويىندارىن ناسيحاتتاۋ، سول ارقىلى جاستاردى سالاۋاتتى ءومىر سالتىن ۇستانۋعا تاربيەلەۋ ماقساتىندا «كوكپار»، «تەڭگە ءىلۋ» ويىندارىنان كورىنىستىك  جارىستار ۇيىمداستىرىلدى.

بارلىق جەڭىمپازدار ديپلوممەن، باعالى سىيلىقتارمەن ماراپاتتالدى.

ماڭعىستاۋ اۋدانى اكىمىنىڭ اپپاراتى

 «قامشى» سىلتەيدى