بۇگىن، 31 قازاندا ۋكراينانىڭ كريۆوي روگ قالاسىندا قازاقستاندىق ورتا سالماقتاعى بوكسشى ايدوس ەربوسىن ۇلى شارشى الاڭدا ونەر كورسەتەدى،-دەپ حابارلايدى «قامشى» پورتالى قازاقپاراتقا سىلتەمە جاساپ.

ونىڭ قارسىلاسى ۋكرايندىق بوكسشى دەنيس پودنەبەسنىي بولماق. ايتا كەتەيىك، بۇل بۇدان بۇرىن ەرەجەسىز جەكپە-جەكتەرگە عانا قاتىسقان ۋكرايندىق بوكسشىنىڭ كاسىبي رينگتەگى العاشقى جەكپە-جەگى. 

شارشى الاڭداعى سايىس ۋكرايندىق رۋدانا جانە ينتەر تەلەارنالارىنان 31 قازاندا استانا ۋاقىتى بويىنشا تۇنگى ساعات 00:00-دە كورسەتىلەدى. 
بۇگىن ايدوس ەربوسىن ۇلى مەن دەنيس پودنەبەسنىي سالماق ولشەۋ راسىمىنەن ءوتتى. 
ايدوس ەربوسىن ۇلى 1991 جىلى 14 قاراشادا الماتى وبلىسىنىڭ جاركەنت قالاسىندا تۋعان. كوپتەگەن حالىقارالىق تۋرنيرلەردىڭ چەمپيونى اتانعان، قازاقستان كۋبوگى يەگەرى. Astana Arlans قۇرامىندا WSB بۇكىلالەمدىك سەرياسىنىڭ چەمپيونى.