Жапондық шебер ескі теледидар мен желдеткіштерден музыка аспабын жасады

Жапонияда тұратын Эй Вада есімді жас суретші  ескі теледидар мен желдеткіштен неше түрлі музыкалық аспаптар жасайды. Бұл туралы "Қамшы" порталы  "Популярная Механикаға" сілтеме жасап хабарлайды.

Бүгінде жапон бұқаралық ақпарат құралдары Эйдің қолынан шыққан музыкалық аспаптардың ғажайып үні туралы жарыса жазуда. Ескі желдеткішті гитараға айналдырған Эй істен шыққан теледидарларды жинап, керемет үн шығаратын музыкалық аспап жасаған. Ол ескі радиоларды да пайдаланды екен. Ескі техникадан музыкалық аспаптар жасаудан Эйдің өзі үлкен ләззат алатын көрінеді. "Мен осындай музыка тудыру үшін дүниеге келген сияқтымын" дейді шебер.

Дайындаған Дана Қамшыбек