• USD 378.65
  • EUR 430.07
  • RUB 6
  • CNY 55.1
24 Тамыз, 03:54:45
Қорықшылардың материалдық-техникалық базасы күшейтіледі

31 Мамыр, 2019 NEWS

Күзетшіні есінен тандырып, банкоматты болгаркамен кеспек болған

Банкоматты болгаркамен кеспекке бел буған.

Нұр-Сұлтан қаласының криминалды полиция қызметкерлері банкоматты тонамақ болған ұрыларды ұстады деп хабарлайды Qamshy.kz ақпарат агенттігі Zakon.kz сайтына сілтеме жасап.

Елорданың екі және Ақмола облысының тұрғыны қала емханаларының бірінде тұрған банкоматтағы ақшаны ұрламақ болған. Олар кешқұрым мекемеге кіріп, күзетшіні есінен тандырған, артынша банкоматты болгаркамен кеспекке бел буады. Қаскөйлер ойлағанын жүзеге асыра алмай ізін суытқан.

Жедел-іздестіру шараларының барысында полиция қызметкерлері бейнебақылау камерасының көмегімен күдіктілерді ұстаған. Олар 38, 34 және 29 жастағы ер адамдар болып шықты. Тергеу барысында күдіктілердің бұған дейін дүкендердің бірінен төлем терминалын ұрлап кеткендіктері белгілі болды.

Аталған оқыс оқиғаға қатысты соталды тергеу ісі жүріп жатыр. Күдіктілер уақытша ұстау изоляторына қамауға алынды. Олардың елорда аумағында жасалған осы сияқты басқа да қылмыстарға қатыстарының бар - жоғы тексеріліп жатыр.

Ұсынған: Дәурен Сыбанбай

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір