Бұрынғы Білім және ғылым вице-министрі сот алдында кінәсін мойындады

Білім және ғылым экс-вице-министрі Эльмира Суханбердиева сот алдында жауап берді деп жазады Qamshy.kz ақпарат агенттігі Tengrinews.kz сайтына сілтеме бере отырып. 

Экс-вице-министрге қатысты қылмыстық іс Есіл аудандық № 2 соттың қарауында болған. Суханбердиеваны арнайы көлікпен сот залына жеткізді.

–Күдіктілер айғақтар мен дәлелдерге қарсы келмеді,- деді мемлекеттік айыптаушы.

Фото: Tengrinews.kz

6-маусым күні Білім және ғылым экс-вице-министрі Эльмира Суханбердиева тұтқындалған болатын. Оған өз қызметін асыра пайдаланды және пара алды деген айып тағылған.

2-шілде күні экс-вице-министрдің ісі сотқа жолданғаны белгілі. Антикоррупциялық ведомстваның басшысы Алик Шпекбаевтың айтуынша, Эльмира Суханбердиева барлық айыптауларға келіскен.