Сириядан оралған отандастарымыздың жан айқайы(видео)

Сириядан оралған бір топ келіншек қазақстандықтарға үндеу жолдады деп хабарлайды Qamshy.kz ақпарат агенттігі Еуразия бірінші арнасына сілтеме жасап.

Соғыстың ортасынан қашып, олар енді өзге бауырларының жазықсыз жапа шеккенін қаламай отыр. Бірі жолдасынан, енді баласынан айырылған жандар әлдекімнің арбауына түсіп қалмауларыңызды ескертеді.

"Ол жерде соғыс болған жоқ, ол жерде жаппай жою болды", - деді Сириядан келген отандастарымыздың бірі.

Енді бір кісінің қызы мен немерелері күйеу баланың артынан еріп, Сириядан бір-ақ шықты. Қызы мен немерелері 7 жылдан кейін елге қайта оралды.

"Айтқан сөздерін тыңдасам, жайрап жатқан адамдардың үстімен жүрген, кішкентай балаларға дейін", - деді ашынған ана.

"Жусан" арнайы операциясымен елге қайтқан тағы бір келіншек туған жердің топырағын басып, қуаныштан жылап алдым деді. Ал бірге кеткен жолдасынан бір хабар жоқ.