• USD 389.52
  • EUR 429.21
  • RUB 6.07
  • CNY 54.94
15 Қазан, 05:12:07
Ермекбаев: Жұмыс қауіпті, өмірлері үшін қауіп-қатер бар

17 Қыркүйек, 2019 NEWS

Эдвард Сноуден: WhatsApp пен Telegram қауіпсіз емес

Ол шифрлануы озық екі мессенджерді қолдануды ұсынып отыр.

Америкалық арнайы қызметтің бұрынғы қызметкері Эдвард Сноуден шенеуніктерге WhatsApp пен Telegram мессенджерлерін қолданбауға кеңес береді, деп хабарлайды Qamshy.kz ақпарат агенттігі forbes.kz-ке сілтеме жасап.
France Inter сайтына шыққан сұқбатта журналист Франция премьер-министрі Эдуар Филипп WhatsApp-ты, президент Эмманюэль Макрон Telegram желісін құп көретінін айтқан. Бұған жауап ретінде Сноуден  министрлердің WhatsApp-ты қолдануы "үлкен қателік" екенін мәлім етті. Ол аталған қосымшаның 2014 жылы Facebook-тың қарамағына өткенін атап өтті.
– Олар қауіпсіздік деңгейінің қабаттарын сәт сайын жойып отыр, – дейді ол.

Оның сөзінше, аталған қосымшалар қажет жағдайда қолданушылардың әңгімелері мен хабарламаларының мазмұнын біле алады. Десе де Сноуден WhatsApp пен Telegram желілері қарапайым смс-хабарламалармен салыстырған қауіпсіз екенін де айтты. Оның ойынша Signal және Wire мессенджерлері – ең қауіпсіз желілер.

Бұған дейін Telegram-ның негізін қалаған Павел Дуров WhatsApp мессенджерін ашық сынға алған болатын. Ал Apple құрылтайшыларының бірі Стив Возняк жеке деректердің қауіпсіздігі үшін Facebook-тан шығып кетуге кеңес берген. Ол өз аккаундын өткен жылы өшіріп тастаған болатын.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір