01 Қараша, 2019 Спорт
IBF нұсқасы бойынша орта салмақтағы әлем чемпионы Геннадий Головкин Камил Шереметаға қарсы жекпе-жекке шығуға келісім берді, деп хабарлайды Qamshy.kz ақпарат агенттігі Prosports.kz сайтының дерегіне сүйеніп.
ESPN журналисі Дэн Рафаэльдің хабарлауынша, екі боксшы жекпе-жек өткізу туралы өзара келісімге келген. Айқас келесі жылдың ақпан айының аяғында немесе наурызда өтуі мүмкін.
Аталмыш кездесуде GGG өзіне тиесілі IBF титулын қорғайды.
Естеріңізге сала кетелік, 6 қазанда украиналық боксшы Сергей Деревянченконы төрешілер шешімімен жеңген Головкин Мексика боксшысы Сауль «Канело» Альвареспен үшінші жекпе-жегін өткізуге үмітті. Ал Альварес Геннадий мен шықпайтынын мәлімдеді. Дейтұрғанмен DAZN стримингтік қызметі 13 қазанда қос боксшының арасындағы кездесудің өтетінін хабарлаған болатын.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір