• USD 389.52
  • EUR 429.21
  • RUB 6.07
  • CNY 54.94
14 Желтоқсан, 16:20:04
Қазақстан Украинаның сауда нарығына алаңдаулы

18 Қараша, 2019 NEWS

Жолақы 45 теңге болады

Елордалықтар мен қала қонақтары қоғамдық көлік қызметі үшін бір ай 45 теңгеден төлей алады, – деп Qamshy.kz ақпарат агенттігі хабарлайды .

"Жолақыны 50% жеңілдікпен SMS және QR-код арқылы төлей аласыз. Акция 18 қарашадан басталып, 18 желтоқсанға дейін жалғасады", – деп "Astana LRT" компаниясынан мәлім етті.

Аталмыш акцияны ұялы байланыс операторларының бірі ұсынып отыр.

Атап айтсақ, төлемді SMS немесе QR-код арқылы жасаған кезде телефон нөмірінен жол жүру билетінің толық сомасы – 90 теңге шегеріледі. Кейін балансқа 45 теңге қайтарылады. Жолақыны төлеу үшін шотта кем дегенде 91 теңге болуы тиіс.

"45 теңгемен автобуста күніне екі рет жүре аласыз. Ал үшінші және одан арғы сапарларыңыз үшін стандартты – 90 теңге төлейсіз. Акция тек қалалық бағыттарда жүреді. Бағасы 180 теңге болатын экспресс-маршруттарда, сондай-ақ ақысы 90, 200, 300 және 400 теңгелік қаламаңы маршруттарында жеңілдік қарастырылмаған", – деп  "Astana LRT" компаниясының өкілі сөзін түйіндеді .

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір