Трамп: Қытай бүкіл әлемді жаппай қырып жойды 

АҚШ президенті Дональд Трамп твиттер парақшасында Қытайдың жалған ақпарат таратқанын және Бейжіңнің біліксіздігі бүкіл әлем халқын жаппай өлімге душар еткенін жазды. Бұл туралы Қамшы тілшісі хабарлайды.  

– Қытайдағы біреулер жүздеген мың адамның өмірін қиған вирус үшін қытайлардан басқа барлық адамды айыптайтын мәлімдеме таратты. Сол ақымаққа түсіндіріңіз, Қытайдың біліксіздігі бүкіләлемді жаппай қырып жойды, басқа ештеңе емес!,– деп жазды Трамп. 

Көп өтпей АҚШ президенті твиттердегі тағы бір жазбасын Қытайға арнады.

– Қытай жаппай жалған ақпарат науқанын жүргізуде, өйткені олар ұйқысыз Джо Байденнің президенттік жарыста жеңіске жетуін қалайды. Олар мен келгенге дейін, ондаған жылдар бойы АҚШ-ты ығыстыруды жалғастырған! – деп жазады ол.