Ресей Ұлыбритания суларына тоғыз соғыс кемесін жіберді

Соңғы екі аптада Ресейдің тоғыз әскери кемесі Ұлыбританияны айналып өтті. Ал, Біріккен корольдік теңіз флоты "жауап беруге дайынбыз" деп ескертті.

Ресей лидері Владимир Путин Ұлыбритания суының маңына бірнеше кеме, оның ішінде суасты қайықтарын, эсминецті, корветті және патрульдік кемені жіберді.

Кемелер Ла-Манш, Селтик теңізі арқылы жүзіп, Сыртқы Гебридтерден өтті. Дейли Телеграфқа (Daily Telegraph) сұхбат берген Ұлыбританияның бірінші теңіз лорд-адмиралы Тони Радакин "Осы (Ресей кемелерін жіберуі) себепті корольдік теңіз флоты күн сайын теңізде болады" деп мәлімдеді.