Парижден Каирге ұшқан EgyptAir ұшағы Жерорта теңізіне құлады, деп хабарлайды Qamshy.kz. бұл туралы «Маядин» телеарнасы Egyptair әуекомпаниясының ресми дерек көздеріне сілтеме жасап хабарлады.

EgyptAir ұшағы Грекия әуе кеңістігінде 20 минуттан кейін радардан жоғалып кеткен.

Соңғы мәліметтер бойынша, MS804 рейс бортында  56 жолашушы (оның үшеуі балалар) мен 9 экипаж мүшесі болған. Олардың жағдайлары әлі белгісіз.

Әуе кемесінің сигналы жоғалып кеткеннен кейін, EgyptAir жағдайды бақылау үшін шұғыл жедел штаб құрды. Египет мен Грекияның барлық авиациялық қызметтерінің өкілдері ұшақты іздестіру жұмыстанына кірісті.

Кейінірек әуекомпания өзінің  Twitter парақшасында А-320 жоғалған ұшағы  2003 жылы пайдалануға берілгенін хабарлады. Ұшақты басқарған тәжірибелі экипаж командирі 6275 сағат (ұқсас ұшақпен 2101 саға) ұша алады, ал оның көмекшісінің 2766 сағат ұшіға мүмскіндігі бар болған.