«Еліміздегі банктер мен қаржылық топтар ұлттық құндылықтарға пысқырып қарамайды». Тәуелсіздіктің 25 жылында қарапайым қазақ жұртында осындай түсінік қалыптасқан. Асылы мемлекетқұрушы ұлттың тарихи құндылықтары мен салт-дәстүрін насихаттау – әр елдің жазылмаған заңы болса керек-ті. Дегенмен соңғы кездері Қазақ еліндегі қаржылық ұйымдар Ұлы даладағы рухани байлыққа да назар аудара бастады. Соның бірі – Сбербанк. Кеше ғана Алматы іргесінде өткізілген «Ұлы дала рухы» атты I Халықаралық фестивальдің ресми серіктесі ретінде Сбербанк көптеген игі шараның ұйымдастырушысы болды.
Қазақстан Республикасының 25 жылдығы мен Алматы қаласының 1000 жылдығына орай ұйымдастырылған шараға 10 елден: атап айтқанда Венгрия, Голландия, Германия, Түркия, Қытай, Корея, Украина, Ресей және Қырғызстан елдерінен 9000-ға жуық қонақ шақырылған.
«Ұлы дала рухы» атты I Халықаралық фестивальдің ресми серіктесі ретінде "Сбербанк" көптеген игі шараның ұйымдастырушысы болды.
"Сбербанк" аталған іс-шарада «Нағыз көшпенді алқабын» ұйымдастырды. Бұл алқапты қызықтаушылар бауырсақ дайындау бойынша шеберлік класына қатысты.
"Сбербанк" құрылғалы жақсылық жасау мен қайырымдылық жасауды бірінші орынға қойып келеді. Оның бірден бір дәлелі кешегі «Ұлы дала рухы» фестиваліне облыстық балалар үйінің тәрбиеленушілерін қатыстырып, олардың қолөнерлерінен жәрмеңке жасады. Балаларға арналған ойындар мен тәттілер де болды.
- Біз мына жерге келгенімізге өте қуаныштымыз. Жайлауда жүргендей сезіндім өзімді. Киіз үй, алтыбақан, бауырсақ.. бәрі күшті. Мен бұл фестивальге өзім салған суретті алып келдім. Бүгін мен үшін керемет демалыс болды, - дейді №1 облыстық балалар үйінің тәрбиеленушісі Томирис.
"Ұлы дала рухы" фестивальіне Алматы қаласының әкімі Бауыржан Байбек мырза қатысты.
- Біз қалалық әкімдіктің Тәуелсіздіктің 25 жылдығы мен Алматы қаласының 1000 жылдығына арналған бұл шарасын қуана қабылдадық. "Сбербанк" білім-ғылымды, мәдениет пен спортты дамытуға, жақсылық жасауға арналған шараларға әрдайым белсене кіріседі. Біз мұнда "Сбербанктың" банкоматын қойдық. Өйткені бұл жыл біз үшін де мерейлі жыл. Бізге биыл 175 жыл толып отыр. Осы орайда біздің банк өзі жұмыс жасайтын елдің ұлттық құндылықтарынада бейжай қарай алмайтынын дәлелдеді. Алдағы күнде Банк басшылығы қазақтілді БАҚ-қа мемлекеттік тілде сұхбат беруге әзір екенін де қуана жеткізгім келеді, - дейді Сбербанктың Маркетинг және PR бөлімінің директоры Олегжан Бекетаев.
