Одесса облысының губернаторы, бұрынғы Грузия Президенті Михаил Саакашвилидің ойынша, туған елінде оған қарсы қылмыстық істің қозғалуы Грузия билігінің одан қорқатынын білдіреді. Бұл туралы ол NewsOne телеканалына берген сұхбатында айтты.

«Төрт жылдан берің Грузияда маған қарсы істер қозғалды. Олар Президент қорының  барлық шығыстарын шығын ретінде есептеген. Оның ішінде шет ел лидерлеріне қызмет көрсету, банкеттер және менің ресми шаралар үшін алынған төрт костюмім мен бір пальто» деді ол. Саакашвилидің пікірінше, қылмыстық істер ол еліне қайтып оралып, саясатқа араласпас үшін ұйымдастырылған.

Естеріңізге салайық, Михаил Саакашвили Грузияны 2004-2007 және 2008-2013 жылдары аралығында басқарған.