Меніңше диктаторлардың басты белгілері мыналар:
- Диктаторлар - диктаторларды жек көреді. Бұл, біздің қазақтың: «екі қошқардың басы бір қазанға сыймайды» дегеніндей.
- Диктатор - өзінен басқа ешкімді жақсы көрмейді.
- Диктатор - ешқашан да «тойдым» дегенді білмейді: ала береді, асай береді.
- Диктатор - барлық жерге өз суретін шаптағанды, тіпті, ақшаға да өз суретін салдырғанды, сондай-ақ, диктатор - қанатты сөздер мен ұрандарды өз атынан жариялап отырғанды жақсы көреді.
- Диктатор - барып тұрған қанішер болып келеді. Өзіне қарсы шыққан халықты да қырып салады. Оның кезінде елде абақтылар мен оған тоғытылғандардың саны шектен шығады.
- Диктатор - барлық істі бір өзі шешеді. Ал, кейін, орнынан тайдырылғанда, оған жалғыз өзі жауап бергісі келмейді.
- Диктатор - айналасына жер қайысқан жағымпаздар армиясын жинайды.
- Диктатор, тіпті, құдайға да сенбейді. Тек, өзіне ғана сенеді.
- Дктатор - елде жеке-дара билік орнатады, қарсы шыққандарды аямай жазалап отырады.
- Диктатор – өле-өлгенше диктатор болып қалады. Ол ешқашан да адами қалыпқа келмейді.
- Диктатор - өзін туған ұлтын, оның дінін, тілін, дәстүрін, ұлттық құндылықтарын жек көреді...
Жұмаш Көкбөрі
