Ана болу – үлкен бақыт. Иә, әр қыз баланың дүниеге келудегі мақсаты – ана атанып, дүниеге ұрпақ әкелу, ал ана атанған соң әйелдің міндеттері көбейеді. Бала денсаулығы, қарнының тоқтығы, аман-есендігі, тәрбиесі. Ана жауапкершілігі бұнымен ғана шектеліп қалмайды.
Денсаулығының мығым болып өсіп-жетілуі үшін балаға ана сүтінен артық пайдалы азық табылмас. Әр ана өз сүтін баласының бойына дарытып, ыстық махаббатын білдіреді, ал ана махаббаты әлемдегі сезімдердің ең биігі. Ыстық сезімді баласына төгу де бір ғанибет!
Солай бола тұра, ғанибетті сезінбей кететін аналар да жетіп артылады. Өз баласынан баз кешіп, ана болып жарытпағандардың азабы да ауыр болмақ.
