Көптеген оқу бітіруші түлектер жұмыс таба алмай жатырмыз деп жұмыссыздардың санын артырып қана жүреді. Бірақ қашанда ізденген адамға екі қолға бір күректің табылатыны анық. Әлем бойынша көптеген қызықты және жиіркенішті жұмыстар бар екен. Солардың бірнеше нұсқасын назарларыңызға ұсынамыз.
Адамдар ғылым үшін не істемейді десеңізші. Әлемде ең жиіркенішті жұмыстардың бірі саналған мамандық жануарлардың мастурбаторы екен. Зерттеушілерге тәжірибе жасау барысында жануарлардың спермасы керек болатын болса аталған жұмысшы жануарларға ләззат сыйлау міндетін атқарады. Жануарлармен жұмыс жасау мастурбатордың өміріне қауіп тудырады. Олар жиі-жиі төтенше жағдайға тап болып отырды.
Көптеген адамдар жұмысқа таңертең ұйқысын қимай әрең тұрады. Бұл барлық жұмысшылардың басынан өтетін жайт десе де болатын шығар. Егер сіз ұйқыны жақсы көретін болсаңыз Фил қонақ үйіне жұмысқа тұрыңыз. Аталған қонақ үйдің басшылығы 2013 жылы кәсіби ұйқышы атты ерекше мамандық туралы хабарлаған еді. Бұл мамандықты сони деп те атайды екен. Жұмысшы қонақ үйдегі 35 бөлмені аралап, ұйқтап жайлы немесе жайлы еместігін айтады. Осындай жұмыс үшін жылына 35 мың доллор жалақы алады екен.
Американдық Рубен Найрос матрас компаниясында матраста секіруші болып жұмыс жасайды. Оның міндеті матрастардың қаттылығын тексеру. Ол осы еңбегі үшін 43 мың доллор көлемінде жалақы алады. Оның айтуы бойынша, матраста 5 рет алға және артқа секіру керек екен.
Дайындаған: Сабина Рамазан
