Қайғылы оқиға 30 тамыз күні Ақтау қаласының 4А ықшамауданында Каспий жағалауында орын алған деп хабарлайды Qamshy.kz ақпарат агенттігі Лада.kz-ке сілтеме беріп.
Куәгерлердің айтуы бойынша, құтқарушылар солдаттың денесін судан шығарған. Жас жігіт теңіз жағалауында жолдастарымен бірге демалып жүрген. Белгілі болғандай, марқұмның денесі жағалаудан 3 метр қашықтықта тастарға ілініп қалған.
Оқиға орнына бірден келіп жеткен жедел жәрдем қызметкерлері әскери қызметкердің көз жұмғанын айтқан. Полиция мәліметінше, 1994 жылы туылған жас жігіт 6656 әскери бөлімшесінде келісімшарт бойынша қызмет өтеп жүрген екен. Қазіргі уақытта сот медициналық сараптамасы жүргізіліп жатыр.
